Aṅguttara Nikāya 8.6 1. Mettāvagga Dutiyalokadhammasutta

Dutiyalokadhammasutta

“Aṭṭhime, bhikkhave, lokadhammā lokaṁ anuparivattanti, loko ca aṭṭha lokadhamme anuparivattati.

Disciples, there are these eight worldly conditions that revolve around the world, and the world revolves around these eight worldly conditions.

Katame aṭṭha?

What are the eight?

Lābho ca, alābho ca, yaso ca, ayaso ca, nindā ca, pasaṁsā ca, sukhañca, dukkhañca.

Gain and loss, fame and disrepute, praise and blame, pleasure and pain.

Ime kho, bhikkhave, aṭṭha lokadhammā lokaṁ anuparivattanti, loko ca ime aṭṭha lokadhamme anuparivattati.

These are the eight worldly conditions that revolve around the world, and the world revolves around these eight worldly conditions.

Assutavato, bhikkhave, puthujjanassa uppajjati lābhopi alābhopi yasopi ayasopi nindāpi pasaṁsāpi sukhampi dukkhampi.

For an unlearned ordinary person gain arises, loss arises, fame arises, disrepute arises, blame arises, praise arises, pleasure arises, pain arises.

Sutavatopi, bhikkhave, ariyasāvakassa uppajjati lābhopi alābhopi yasopi ayasopi nindāpi pasaṁsāpi sukhampi dukkhampi.

For a learned noble disciple gain arises, loss arises, fame arises, disrepute arises, blame arises, praise arises, pleasure arises, pain arises.

Tatra, bhikkhave, ko viseso ko adhippayāso kiṁ nānākaraṇaṁ sutavato ariyasāvakassa assutavatā puthujjanenā”ti?

In this what is the distinction, what is the difference, what is the distinguishing factor between a learned noble disciple and an unlearned ordinary person?

“Bhagavaṁmūlakā no, bhante, dhammā bhagavaṁnettikā bhagavaṁpaṭisaraṇā.

Our teachings, venerable sir, are rooted in the Blessed One, guided by the Blessed One, and have the Blessed One as their refuge.

Sādhu vata, bhante, bhagavantaṁyeva paṭibhātu etassa bhāsitassa attho.

It would be good, venerable sir, if the Blessed One would explain the meaning of this statement.

Bhagavato sutvā bhikkhū dhāressantī”ti.

Having heard it from the Blessed One, the disciples will remember it.

“Tena hi, bhikkhave, suṇātha, sādhukaṁ manasi karotha, bhāsissāmī”ti.

Then listen pay close attention, I will speak.

“Evaṁ, bhante”ti kho te bhikkhū bhagavato paccassosuṁ.

Yes, venerable sir, the disciples replied to the Blessed One.

Bhagavā etadavoca: “assutavato, bhikkhave, puthujjanassa uppajjati lābho.

The Blessed One said this: For an unlearned ordinary person gain arises.

So na iti paṭisañcikkhati: ‘uppanno kho me ayaṁ lābho; so ca kho anicco dukkho vipariṇāmadhammo’ti yathābhūtaṁ nappajānāti.

He does not reflect thus: This gain that has arisen for me is impermanent, suffering, and subject to change, and he does not know it as it really is.

Uppajjati alābho …pe…

Loss arises...

uppajjati yaso …

Fame arises...

uppajjati ayaso …

Disrepute arises...

uppajjati nindā …

Blame arises...

uppajjati pasaṁsā …

Praise arises...

uppajjati sukhaṁ …

Pleasure arises...

uppajjati dukkhaṁ.

Pain arises.

So na iti paṭisañcikkhati: ‘uppannaṁ kho me idaṁ dukkhaṁ; tañca kho aniccaṁ dukkhaṁ vipariṇāmadhamman’ti yathābhūtaṁ nappajānāti.

He does not reflect thus: This pain that has arisen for me is impermanent, suffering, and subject to change, and he does not know it as it really is.

Tassa lābhopi cittaṁ pariyādāya tiṭṭhati, alābhopi cittaṁ pariyādāya tiṭṭhati, yasopi cittaṁ pariyādāya tiṭṭhati, ayasopi cittaṁ pariyādāya tiṭṭhati, nindāpi cittaṁ pariyādāya tiṭṭhati, pasaṁsāpi cittaṁ pariyādāya tiṭṭhati, sukhampi cittaṁ pariyādāya tiṭṭhati, dukkhampi cittaṁ pariyādāya tiṭṭhati.

His mind remains consumed by gain, consumed by loss, consumed by fame, consumed by disrepute, consumed by blame, consumed by praise, consumed by pleasure, consumed by pain.

So uppannaṁ lābhaṁ anurujjhati, alābhe paṭivirujjhati; uppannaṁ yasaṁ anurujjhati, ayase paṭivirujjhati; uppannaṁ pasaṁsaṁ anurujjhati, nindāya paṭivirujjhati; uppannaṁ sukhaṁ anurujjhati, dukkhe paṭivirujjhati.

He approves of arisen gain, opposes loss; He approves of arisen fame, opposes disrepute; He approves of arisen praise, opposes blame; He delights in arisen happiness, resists suffering.

So evaṁ anurodhavirodhasamāpanno na parimuccati jātiyā jarāya maraṇena sokehi paridevehi dukkhehi domanassehi upāyāsehi.

Thus, entangled in attachment and aversion, he is not freed from birth, aging, death, sorrow, lamentation, pain, grief, and despair.

‘Na parimuccati dukkhasmā’ti vadāmi.

I say, He is not freed from suffering.

Sutavato ca kho, bhikkhave, ariyasāvakassa uppajjati lābho.

But for a learned noble disciple, gain arises.

So iti paṭisañcikkhati: ‘uppanno kho me ayaṁ lābho; so ca kho anicco dukkho vipariṇāmadhammo’ti yathābhūtaṁ pajānāti.

He reflects thus: This gain has arisen for me; but it is impermanent, suffering, and subject to change, he knows it as it really is.

Uppajjati alābho …pe…

Loss arises...

uppajjati yaso …

Fame arises...

uppajjati ayaso …

Disrepute arises...

uppajjati nindā …

Blame arises...

uppajjati pasaṁsā …

Praise arises...

uppajjati sukhaṁ …

Happiness arises...

uppajjati dukkhaṁ.

Suffering arises.

So iti paṭisañcikkhati: ‘uppannaṁ kho me idaṁ dukkhaṁ; tañca kho aniccaṁ dukkhaṁ vipariṇāmadhamman’ti yathābhūtaṁ pajānāti.

He reflects thus: This suffering has arisen for me; but it is impermanent, suffering, and subject to change, he knows it as it really is.

Tassa lābhopi cittaṁ na pariyādāya tiṭṭhati, alābhopi cittaṁ na pariyādāya tiṭṭhati, yasopi cittaṁ na pariyādāya tiṭṭhati, ayasopi cittaṁ na pariyādāya tiṭṭhati, nindāpi cittaṁ na pariyādāya tiṭṭhati, pasaṁsāpi cittaṁ na pariyādāya tiṭṭhati, sukhampi cittaṁ na pariyādāya tiṭṭhati, dukkhampi cittaṁ na pariyādāya tiṭṭhati.

Neither gain nor loss, fame nor disrepute, blame nor praise, happiness nor suffering overwhelm his mind. He does not delight in arisen gain, nor resists loss; does not delight in arisen fame, nor resists disrepute; does not delight in arisen praise, nor resists blame; does not delight in arisen happiness, nor resists suffering.

So uppannaṁ lābhaṁ nānurujjhati, alābhe nappaṭivirujjhati; uppannaṁ yasaṁ nānurujjhati, ayase nappaṭivirujjhati; uppannaṁ pasaṁsaṁ nānurujjhati, nindāya nappaṭivirujjhati; uppannaṁ sukhaṁ nānurujjhati, dukkhe nappaṭivirujjhati. So evaṁ anurodhavirodhavippahīno parimuccati jātiyā jarāya maraṇena sokehi paridevehi dukkhehi domanassehi upāyāsehi.

Thus, free from attachment and aversion, he is freed from birth, aging, death, sorrow, lamentation, pain, grief, and despair.

‘Parimuccati dukkhasmā’ti vadāmi.

I say, He is freed from suffering.

Ayaṁ kho, bhikkhave, viseso ayaṁ adhippayāso idaṁ nānākaraṇaṁ sutavato ariyasāvakassa assutavatā puthujjanenāti.

This is the distinction, the specific difference, the distinguishing factor between a learned noble disciple and an unlearned ordinary person.

Lābho alābho ca yasāyaso ca, Nindā pasaṁsā ca sukhaṁ dukhañca; Ete aniccā manujesu dhammā, Asassatā vipariṇāmadhammā.

Gain and loss, fame and disrepute, Blame and praise, happiness and suffering; These are impermanent among humans, Unstable, subject to change.

Ete ca ñatvā satimā sumedho, Avekkhati vipariṇāmadhamme; Iṭṭhassa dhammā na mathenti cittaṁ, Aniṭṭhato no paṭighātameti.

Knowing these, a wise and mindful person Observes the nature of change; The mind is not disturbed by what is desired, Nor does it resent what is undesired.

Tassānurodhā atha vā virodhā, Vidhūpitā atthaṅgatā na santi; Padañca ñatvā virajaṁ asokaṁ, Sammappajānāti bhavassa pāragū”ti. Chaṭṭhaṁ.

Thus, attachment and aversion Are dispelled, gone, and do not exist; Knowing the path to the end of suffering, He fully knows, reaching the end of becoming.