Majjhima Nikāya 128

Majjhima Nikāya 128

Upakkilesasutta

The Discourse on Corruptions

Evaṁ me sutaṁ—

So I have heard:

ekaṁ samayaṁ bhagavā kosambiyaṁ viharati ghositārāme.

at one time the Tathāgata was staying at Kosambī in Ghosita's Monastery.

Tena kho pana samayena kosambiyaṁ bhikkhū bhaṇḍanajātā kalahajātā vivādāpannā aññamaññaṁ mukhasattīhi vitudantā viharanti.

Now at that time the disciples in Kosambī were given to arguing, quarreling, and disputing, wounding each other with the weapons of the mouth.

Atha kho aññataro bhikkhu yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ aṭṭhāsi. Ekamantaṁ ṭhito kho so bhikkhu bhagavantaṁ etadavoca

Then a certain disciple went to the Tathāgata, bowed, stood to one side, and said to him:

“idha, bhante, kosambiyaṁ bhikkhū bhaṇḍanajātā kalahajātā vivādāpannā aññamaññaṁ mukhasattīhi vitudantā viharanti.

Sir, the disciples here in Kosambī are given to arguing, quarreling, and disputing, wounding each other with the weapons of the mouth.

Sādhu, bhante, bhagavā yena te bhikkhū tenupasaṅkamatu anukampaṁ upādāyā”ti.

Please, sir, go to those disciples out of compassion.

Adhivāsesi bhagavā tuṇhībhāvena.

The Tathāgata consented in silence.

Atha kho bhagavā yena te bhikkhū tenupasaṅkami; upasaṅkamitvā te bhikkhū etadavoca

Then the Tathāgata went up to those disciples, and said to them:

“alaṁ, bhikkhave, mā bhaṇḍanaṁ, mā kalahaṁ, mā viggahaṁ, mā vivādan”ti.

Enough, disciples. Stop arguing, quarreling, disputing, and fighting.

Evaṁ vutte, aññataro bhikkhu bhagavantaṁ etadavoca

When he said this, a certain disciple said to the Tathāgata:

“āgametu, bhante.

Wait, sir.

Bhagavā dhammassāmī;

The Tathāgata is the Lord of the Dhamma.

appossukko, bhante, bhagavā diṭṭhadhammasukhavihāraṁ anuyutto viharatu;

Let the Tathāgata live inactive, devoted to a pleasant abiding in the present life.

mayametena bhaṇḍanena kalahena viggahena vivādena paññāyissāmā”ti.

We are the ones who will be known by this arguing, quarreling, disputing, and fighting.

Dutiyampi kho bhagavā te bhikkhū etadavoca

For a second time the Tathāgata said to those disciples:

“alaṁ, bhikkhave, mā bhaṇḍanaṁ, mā kalahaṁ, mā viggahaṁ, mā vivādan”ti.

Enough, disciples. Stop arguing, quarreling, disputing, and fighting.

Dutiyampi kho so bhikkhu bhagavantaṁ etadavoca

For a second time that disciple said to the Tathāgata:

“āgametu, bhante.

Wait, sir.

Bhagavā dhammassāmī;

The Tathāgata is the Lord of the Dhamma.

appossukko, bhante, bhagavā diṭṭhadhammasukhavihāraṁ anuyutto viharatu;

Let the Tathāgata live inactive, devoted to a pleasant abiding in the present life.

mayametena bhaṇḍanena kalahena viggahena vivādena paññāyissāmā”ti.

We are the ones who will be known by this arguing, quarreling, disputing, and fighting.

Tatiyampi kho bhagavā te bhikkhū etadavoca

For a third time the Tathāgata said to those disciples:

“alaṁ, bhikkhave, mā bhaṇḍanaṁ, mā kalahaṁ, mā viggahaṁ, mā vivādan”ti.

Enough, disciples. Stop arguing, quarreling, disputing, and fighting.

Tatiyampi kho so bhikkhu bhagavantaṁ etadavoca

For a third time that disciple said to the Tathāgata:

“āgametu, bhante.

Wait, sir.

Bhagavā dhammassāmī;

The Tathāgata is the Lord of the Dhamma.

appossukko, bhante, bhagavā diṭṭhadhammasukhavihāraṁ anuyutto viharatu;

Let the Tathāgata live inactive, devoted to a pleasant abiding in the present life.

mayametena bhaṇḍanena kalahena viggahena vivādena paññāyissāmā”ti.

We are the ones who will be known by this arguing, quarreling, disputing, and fighting.

Atha kho bhagavā pubbaṇhasamayaṁ nivāsetvā pattacīvaramādāya kosambiṁ piṇḍāya pāvisi.

Then the Tathāgata robed up in the morning and, taking his bowl and robe, entered Kosambī for alms.

Kosambiyaṁ piṇḍāya caritvā pacchābhattaṁ piṇḍapātapaṭikkanto senāsanaṁ saṁsāmetvā pattacīvaramādāya ṭhitakova imā gāthā abhāsi

After wandering for alms in Kosambī, returning from the almsround after the meal, he set his lodgings in order. Taking his bowl and robe, he recited these verses while standing right there:

“Puthusaddo samajano,

When the crowd all yells at once,

na bālo koci maññatha;

no one thinks themselves a fool.

Saṅghasmiṁ bhijjamānasmiṁ,

While the Sangha is being split,

nāññaṁ bhiyyo amaññaruṁ.

they don't consider anything else.

Parimuṭṭhā paṇḍitābhāsā,

They have lost their senses, though seeming wise;

vācāgocarabhāṇino;

they speak whatever comes into their field of speech.

Yāvicchanti mukhāyāmaṁ,

They say whatever they want,

yena nītā na taṁ vidū.

unaware of what leads them on.

Akkocchi maṁ avadhi maṁ,

‘They abused me, they hit me,

ajini maṁ ahāsi me;

they beat me, they robbed me!’

Ye ca taṁ upanayhanti,

For those who hold such a grudge,

veraṁ tesaṁ na sammati.

hatred never ends.

Akkocchi maṁ avadhi maṁ,

‘They abused me, they hit me,

ajini maṁ ahāsi me;

they beat me, they robbed me!’

Ye ca taṁ nupanayhanti,

For those who don't hold such a grudge,

veraṁ tesūpasammati.

hatred does come to an end.

Na hi verena verāni,

For never is hatred settled by hatred

sammantīdha kudācanaṁ;

here at any time;

Averena ca sammanti,

it is settled by love,

esa dhammo sanantano.

this is an ancient law.

Pare ca na vijānanti,

Others do not know

mayamettha yamāmase;

that here we must restrain ourselves.

Ye ca tattha vijānanti,

But those who do know this,

tato sammanti medhagā.

their quarrels are settled.

Aṭṭhicchinnā pāṇaharā,

Those who break bones and take lives,

gavassadhanahārino;

stealing cattle, horses, and wealth,

Raṭṭhaṁ vilumpamānānaṁ,

those who plunder the realm:

tesampi hoti saṅgati;

even they can come together;

Kasmā tumhākaṁ no siyā.

why can't you?

Sace labhetha nipakaṁ sahāyaṁ,

If you find an alert companion,

Saddhiṁ caraṁ sādhuvihāri dhīraṁ;

a wise and virtuous friend to walk with,

Abhibhuyya sabbāni parissayāni,

overcoming all dangers,

Careyya tenattamano satīmā.

wander with them, joyful and mindful.

No ce labhetha nipakaṁ sahāyaṁ,

If you do not find an alert companion,

Saddhiṁ caraṁ sādhuvihāri dhīraṁ;

a wise and virtuous friend to walk with,

Rājāva raṭṭhaṁ vijitaṁ pahāya,

like a king who has abandoned his conquered realm,

Eko care mātaṅgaraññeva nāgo.

wander alone like a bull elephant in the forest.

Ekassa caritaṁ seyyo,

It is better to wander alone,

Natthi bāle sahāyatā;

there is no fellowship with a fool.

Eko care na ca pāpāni kayirā,

Wander alone and do no wrong,

Appossukko mātaṅgaraññeva nāgo”ti.

at ease like a bull elephant in the forest.

Atha kho bhagavā ṭhitakova imā gāthā bhāsitvā yena bālakaloṇakāragāmo tenupasaṅkami.

Then the Tathāgata, having spoken these verses while standing right there, went to the village of Bālaka the salt-maker.

Tena kho pana samayena āyasmā bhagu bālakaloṇakāragāme viharati.

Now at that time Venerable Bhagu was staying at the village of Bālaka the salt-maker.

Addasā kho āyasmā bhagu bhagavantaṁ dūratova āgacchantaṁ.

Venerable Bhagu saw the Tathāgata coming off in the distance,

Disvāna āsanaṁ paññapesi udakañca pādānaṁ dhovanaṁ.

and prepared a seat and water to wash his feet.

Nisīdi bhagavā paññatte āsane.

The Tathāgata sat on the seat prepared

Nisajja pāde pakkhālesi.

and washed his feet.

Āyasmāpi kho bhagu bhagavantaṁ abhivādetvā ekamantaṁ nisīdi.

Venerable Bhagu bowed to the Tathāgata and sat to one side.

Ekamantaṁ nisinnaṁ kho āyasmantaṁ bhaguṁ bhagavā etadavoca

The Tathāgata said to him:

“kacci, bhikkhu, khamanīyaṁ, kacci yāpanīyaṁ, kacci piṇḍakena na kilamasī”ti?

I hope you are keeping well, disciple; I hope you are getting by; I hope you are not having trouble getting almsfood.

“Khamanīyaṁ bhagavā, yāpanīyaṁ bhagavā, na cāhaṁ, bhante, piṇḍakena kilamāmī”ti.

I am keeping well, Tathāgata; I am getting by; I am not having trouble getting almsfood.

Atha kho bhagavā āyasmantaṁ bhaguṁ dhammiyā kathāya sandassetvā samādapetvā samuttejetvā sampahaṁsetvā uṭṭhāyāsanā yena pācīnavaṁsadāyo tenupasaṅkami.

Then the Tathāgata instructed, urged, roused, and encouraged Venerable Bhagu with a Dhamma talk, after which he got up from his seat and went to the Eastern Bamboo Park.

Tena kho pana samayena āyasmā ca anuruddho āyasmā ca nandiyo āyasmā ca kimilo pācīnavaṁsadāye viharanti.

Now at that time the venerables Anuruddha, Nandiya, and Kimbila were staying in the Eastern Bamboo Park.

Addasā kho dāyapālo bhagavantaṁ dūratova āgacchantaṁ.

The park keeper saw the Tathāgata coming off in the distance

Disvāna bhagavantaṁ etadavoca

and said to him:

“mā, mahāsamaṇa, etaṁ dāyaṁ pāvisi.

Do not enter this park, great ascetic.

Santettha tayo kulaputtā attakāmarūpā viharanti.

There are three young men of good family staying here, seeking their own good.

Mā tesaṁ aphāsumakāsī”ti.

Do not disturb them.

Assosi kho āyasmā anuruddho dāyapālassa bhagavatā saddhiṁ mantayamānassa.

Venerable Anuruddha heard the park keeper talking with the Tathāgata,

Sutvāna dāyapālaṁ etadavoca

and he said to him:

“mā, āvuso dāyapāla, bhagavantaṁ vāresi.

Friend park keeper, do not stop the Tathāgata.

Satthā no bhagavā anuppatto”ti.

Our teacher, the Tathāgata, has arrived.

Atha kho āyasmā anuruddho yenāyasmā ca nandiyo yenāyasmā ca kimilo tenupasaṅkami; upasaṅkamitvā āyasmantañca nandiyaṁ āyasmantañca kimilaṁ etadavoca

Then Venerable Anuruddha went up to Venerable Nandiya and Venerable Kimbila and said:

“abhikkamathāyasmanto, abhikkamathāyasmanto, satthā no bhagavā anuppatto”ti.

Come out, venerables, come out! Our teacher, the Tathāgata, has arrived.

Atha kho āyasmā ca anuruddho āyasmā ca nandiyo āyasmā ca kimilo bhagavantaṁ paccuggantvā

Then the venerables Anuruddha, Nandiya, and Kimbila went out to meet the Tathāgata.

eko bhagavato pattacīvaraṁ paṭiggahesi, eko āsanaṁ paññapesi, eko pādodakaṁ upaṭṭhapesi.

One took his bowl and robe, one prepared a seat, and one set out water for washing his feet.

Nisīdi bhagavā paññatte āsane.

The Tathāgata sat on the seat prepared

Nisajja pāde pakkhālesi.

and washed his feet.

Tepi kho āyasmanto bhagavantaṁ abhivādetvā ekamantaṁ nisīdiṁsu.

And those venerables bowed to the Tathāgata and sat to one side.

Ekamantaṁ nisinnaṁ kho āyasmantaṁ anuruddhaṁ bhagavā etadavoca

The Tathāgata said to Venerable Anuruddha:

“kacci vo, anuruddhā, khamanīyaṁ, kacci yāpanīyaṁ, kacci piṇḍakena na kilamathā”ti?

I hope you are keeping well, Anuruddhas; I hope you are getting by; I hope you are not having trouble getting almsfood.

“Khamanīyaṁ bhagavā, yāpanīyaṁ bhagavā, na ca mayaṁ, bhante, piṇḍakena kilamāmā”ti.

We are keeping well, Tathāgata; we are getting by; we are not having trouble getting almsfood.

“Kacci pana vo, anuruddhā, samaggā sammodamānā avivadamānā khīrodakībhūtā aññamaññaṁ piyacakkhūhi sampassantā viharathā”ti?

But I hope you are living in harmony, with mutual appreciation, without disputing, blending like milk and water, looking at each other with kindly eyes?

“Taggha mayaṁ, bhante, samaggā sammodamānā avivadamānā khīrodakībhūtā aññamaññaṁ piyacakkhūhi sampassantā viharāmā”ti.

Indeed, sir, we are living in harmony, with mutual appreciation, without disputing, blending like milk and water, looking at each other with kindly eyes.

“Yathā kathaṁ pana tumhe, anuruddhā, samaggā sammodamānā avivadamānā khīrodakībhūtā aññamaññaṁ piyacakkhūhi sampassantā viharathā”ti?

But how do you live in such harmony?

“Idha mayhaṁ, bhante, evaṁ hoti

Here, sir, I consider:

‘lābhā vata me, suladdhaṁ vata me

‘It is truly a gain for me, a great gain for me,

yohaṁ evarūpehi sabrahmacārīhi saddhiṁ viharāmī’ti.

that I am living with such spiritual companions.’

Tassa mayhaṁ, bhante, imesu āyasmantesu mettaṁ kāyakammaṁ paccupaṭṭhitaṁ āvi ceva raho ca,

I maintain bodily acts of goodwill toward these venerables, both openly and privately.

mettaṁ vacīkammaṁ paccupaṭṭhitaṁ āvi ceva raho ca,

I maintain verbal acts of goodwill toward them, both openly and privately.

mettaṁ manokammaṁ paccupaṭṭhitaṁ āvi ceva raho ca.

I maintain mental acts of goodwill toward them, both openly and privately.

Tassa, mayhaṁ, bhante, evaṁ hoti

I consider:

‘yannūnāhaṁ sakaṁ cittaṁ nikkhipitvā imesaṁyeva āyasmantānaṁ cittassa vasena vatteyyan’ti.

‘Why don't I set aside my own mind and just fall in with the minds of these venerables?’

So kho ahaṁ, bhante, sakaṁ cittaṁ nikkhipitvā imesaṁyeva āyasmantānaṁ cittassa vasena vattāmi.

So I set aside my own mind and fall in with the minds of these venerables.

Nānā hi kho no, bhante, kāyā, ekañca pana maññe cittan”ti.

Our bodies are different, sir, but our minds, I think, are one.

Āyasmāpi kho nandiyo …pe…

And Venerable Nandiya …

āyasmāpi kho kimilo bhagavantaṁ etadavoca

and Venerable Kimbila said to the Tathāgata:

“mayhampi kho, bhante, evaṁ hoti

I too, sir, consider:

‘lābhā vata me, suladdhaṁ vata me

‘It is truly a gain for me, a great gain for me,

yohaṁ evarūpehi sabrahmacārīhi saddhiṁ viharāmī’ti.

that I am living with such spiritual companions.’

Tassa mayhaṁ, bhante, imesu āyasmantesu mettaṁ kāyakammaṁ paccupaṭṭhitaṁ āvi ceva raho ca,

I maintain bodily acts of goodwill toward these venerables, both openly and privately.

mettaṁ vacīkammaṁ paccupaṭṭhitaṁ āvi ceva raho ca,

I maintain verbal acts of goodwill toward them, both openly and privately.

mettaṁ manokammaṁ paccupaṭṭhitaṁ āvi ceva raho ca.

I maintain mental acts of goodwill toward them, both openly and privately.

Tassa mayhaṁ, bhante, evaṁ hoti

I consider:

‘yannūnāhaṁ sakaṁ cittaṁ nikkhipitvā imesaṁyeva āyasmantānaṁ cittassa vasena vatteyyan’ti.

‘Why don't I set aside my own mind and just fall in with the minds of these venerables?’

So kho ahaṁ, bhante, sakaṁ cittaṁ nikkhipitvā imesaṁyeva āyasmantānaṁ cittassa vasena vattāmi.

So I set aside my own mind and fall in with the minds of these venerables.

Nānā hi kho no, bhante, kāyā, ekañca pana maññe cittanti.

Our bodies are different, sir, but our minds, I think, are one.

Evaṁ kho mayaṁ, bhante, samaggā sammodamānā avivadamānā khīrodakībhūtā aññamaññaṁ piyacakkhūhi sampassantā viharāmā”ti.

That is how we live in harmony, with mutual appreciation, without disputing, blending like milk and water, looking at each other with kindly eyes.

“Sādhu sādhu, anuruddhā.

Good, good, Anuruddhas.

Kacci pana vo, anuruddhā, appamattā ātāpino pahitattā viharathā”ti?

But I hope you live diligent, keen, and resolute?

“Taggha mayaṁ, bhante, appamattā ātāpino pahitattā viharāmā”ti.

Indeed, sir, we live diligent, keen, and resolute.

“Yathā kathaṁ pana tumhe, anuruddhā, appamattā ātāpino pahitattā viharathā”ti?

But how do you live so diligent, keen, and resolute?

“Idha, bhante, amhākaṁ yo paṭhamaṁ gāmato piṇḍāya paṭikkamati, so āsanāni paññapeti, pānīyaṁ paribhojanīyaṁ upaṭṭhāpeti, avakkārapātiṁ upaṭṭhāpeti.

Here, sir, whoever returns first from the village from almsround prepares the seats, and sets out the drinking water, the washing water, and the waste bin.

Yo pacchā gāmato piṇḍāya paṭikkamati—sace hoti bhuttāvaseso, sace ākaṅkhati, bhuñjati; no ce ākaṅkhati, appaharite vā chaḍḍeti apāṇake vā udake opilāpeti—

Whoever returns last from the village from almsround eats any leftovers, if they want; if not, they throw them out where there is little grass or drop them into water where there are no living creatures.

so āsanāni paṭisāmeti, pānīyaṁ paribhojanīyaṁ paṭisāmeti, avakkārapātiṁ dhovitvā paṭisāmeti, bhattaggaṁ sammajjati.

They put away the seats, the drinking water, and the washing water. They wash the waste bin and put it away, and they sweep the dining hall.

Yo passati pānīyaghaṭaṁ vā paribhojanīyaghaṭaṁ vā vaccaghaṭaṁ vā rittaṁ tucchaṁ so upaṭṭhāpeti.

Whoever sees the pot for drinking water, the pot for washing water, or the pot for the restroom empty and hollow sets it up.

Sacassa hoti avisayhaṁ, hatthavikārena dutiyaṁ āmantetvā hatthavilaṅghakena upaṭṭhāpema, na tveva mayaṁ, bhante, tappaccayā vācaṁ bhindāma.

If they cannot do it alone, they gesture with their hand to ask for help, and they set it up together. But we do not break into speech for this reason.

Pañcāhikaṁ kho pana mayaṁ, bhante, sabbarattiṁ dhammiyā kathāya sannisīdāma.

And every five days we sit together all night discussing the Dhamma.

Evaṁ kho mayaṁ, bhante, appamattā ātāpino pahitattā viharāmā”ti.

That is how we live diligent, keen, and resolute.

“Sādhu sādhu, anuruddhā.

Good, good, Anuruddhas.

Atthi pana vo, anuruddhā, evaṁ appamattānaṁ ātāpīnaṁ pahitattānaṁ viharataṁ uttari manussadhammā alamariyañāṇadassanaviseso adhigato phāsuvihāro”ti?

But as you live so diligent, keen, and resolute, have you achieved any superhuman state, an extraordinary knowing and vision worthy of the noble ones, a pleasant abiding?

“Idha mayaṁ, bhante, appamattā ātāpino pahitattā viharantā obhāsañceva sañjānāma dassanañca rūpānaṁ.

Here, sir, as we live diligent, keen, and resolute, we perceive light and we see forms.

So kho pana no obhāso nacirasseva antaradhāyati dassanañca rūpānaṁ;

But soon that light vanishes, and the vision of forms.

tañca nimittaṁ nappaṭivijjhāmā”ti.

And we have not penetrated that sign.

“Taṁ kho pana vo, anuruddhā, nimittaṁ paṭivijjhitabbaṁ.

You should penetrate that sign, Anuruddhas.

Ahampi sudaṁ, anuruddhā, pubbeva sambodhā anabhisambuddho bodhisattova samāno obhāsañceva sañjānāmi dassanañca rūpānaṁ.

Before my awakening, when I was still an unawakened bodhisatta, I too perceived light and saw forms.

So kho pana me obhāso nacirasseva antaradhāyati dassanañca rūpānaṁ.

But soon my light vanished, and the vision of forms.

Tassa mayhaṁ, anuruddhā, etadahosi

I considered:

‘ko nu kho hetu ko paccayo yena me obhāso antaradhāyati dassanañca rūpānan’ti?

‘What is the cause, what is the condition why my light vanished, and the vision of forms?’

Tassa mayhaṁ, anuruddhā, etadahosi

I considered:

‘vicikicchā kho me udapādi, vicikicchādhikaraṇañca pana me samādhi cavi.

‘Doubt arose in me, and because of doubt my concentration fell away.

Samādhimhi cute obhāso antaradhāyati dassanañca rūpānaṁ.

When concentration fell away, the light vanished, and the vision of forms.

Sohaṁ tathā karissāmi yathā me puna na vicikicchā uppajjissatī’ti.

I will act so that doubt does not arise in me again.’

So kho ahaṁ, anuruddhā, appamatto ātāpī pahitatto viharanto obhāsañceva sañjānāmi dassanañca rūpānaṁ.

Living diligent, keen, and resolute, I perceived light and saw forms.

So kho pana me obhāso nacirasseva antaradhāyati dassanañca rūpānaṁ.

But soon my light vanished, and the vision of forms.

Tassa mayhaṁ, anuruddhā, etadahosi

I considered:

‘ko nu kho hetu ko paccayo yena me obhāso antaradhāyati dassanañca rūpānan’ti?

‘What is the cause, what is the condition why my light vanished, and the vision of forms?’

Tassa mayhaṁ, anuruddhā, etadahosi

I considered:

‘amanasikāro kho me udapādi, amanasikārādhikaraṇañca pana me samādhi cavi.

‘Loss of focus arose in me, and because of loss of focus my concentration fell away.

Samādhimhi cute obhāso antaradhāyati dassanañca rūpānaṁ.

When concentration fell away, the light vanished, and the vision of forms.

Sohaṁ tathā karissāmi yathā me puna na vicikicchā uppajjissati, na amanasikāro’ti.

I will act so that doubt and loss of focus do not arise in me again.’

So kho ahaṁ, anuruddhā …pe…

Living diligent, keen, and resolute …

tassa mayhaṁ, anuruddhā, etadahosi

I considered:

‘thinamiddhaṁ kho me udapādi, thinamiddhādhikaraṇañca pana me samādhi cavi.

‘Dullness and drowsiness arose in me, and because of dullness and drowsiness my concentration fell away.

Samādhimhi cute obhāso antaradhāyati dassanañca rūpānaṁ.

When concentration fell away, the light vanished, and the vision of forms.

Sohaṁ tathā karissāmi yathā me puna na vicikicchā uppajjissati, na amanasikāro, na thinamiddhan’ti.

I will act so that doubt, loss of focus, and dullness and drowsiness do not arise in me again.’

So kho ahaṁ, anuruddhā …pe…

Living diligent, keen, and resolute …

tassa mayhaṁ, anuruddhā, etadahosi

I considered:

‘chambhitattaṁ kho me udapādi, chambhitattādhikaraṇañca pana me samādhi cavi.

‘Terror arose in me, and because of terror my concentration fell away.

Samādhimhi cute obhāso antaradhāyati dassanañca rūpānaṁ.

When concentration fell away, the light vanished, and the vision of forms.

Seyyathāpi, anuruddhā, puriso addhānamaggappaṭipanno, tassa ubhatopasse vaṭṭakā uppateyyuṁ, tassa tatonidānaṁ chambhitattaṁ uppajjeyya;

Suppose a man was traveling along a road, and assassins jumped out on both sides; because of that terror would arise in him.

evameva kho me, anuruddhā, chambhitattaṁ udapādi, chambhitattādhikaraṇañca pana me samādhi cavi.

In the same way, terror arose in me, and because of terror my concentration fell away.

Samādhimhi cute obhāso antaradhāyati dassanañca rūpānaṁ.

When concentration fell away, the light vanished, and the vision of forms.

Sohaṁ tathā karissāmi yathā me puna na vicikicchā uppajjissati, na amanasikāro, na thinamiddhaṁ, na chambhitattan’ti.

I will act so that doubt, loss of focus, dullness and drowsiness, and terror do not arise in me again.’

So kho ahaṁ, anuruddhā …pe…

Living diligent, keen, and resolute …

tassa mayhaṁ, anuruddhā, etadahosi

I considered:

‘uppilaṁ kho me udapādi, uppilādhikaraṇañca pana me samādhi cavi.

‘Elation arose in me, and because of elation my concentration fell away.

Samādhimhi cute obhāso antaradhāyati dassanañca rūpānaṁ.

When concentration fell away, the light vanished, and the vision of forms.

Seyyathāpi, anuruddhā, puriso ekaṁ nidhimukhaṁ gavesanto sakideva pañcanidhimukhāni adhigaccheyya, tassa tatonidānaṁ uppilaṁ uppajjeyya;

Suppose a man was seeking one hidden treasure, and all at once he came upon five hidden treasures; because of that elation would arise in him.

evameva kho me, anuruddhā, uppilaṁ udapādi, uppilādhikaraṇañca pana me samādhi cavi.

In the same way, elation arose in me, and because of elation my concentration fell away.

Samādhimhi cute obhāso antaradhāyati dassanañca rūpānaṁ.

When concentration fell away, the light vanished, and the vision of forms.

Sohaṁ tathā karissāmi yathā me puna na vicikicchā uppajjissati, na amanasikāro, na thinamiddhaṁ, na chambhitattaṁ, na uppilan’ti.

I will act so that doubt, loss of focus, dullness and drowsiness, terror, and elation do not arise in me again.’

So kho ahaṁ, anuruddhā …pe…

Living diligent, keen, and resolute …

tassa mayhaṁ, anuruddhā, etadahosi

I considered:

‘duṭṭhullaṁ kho me udapādi, duṭṭhullādhikaraṇañca pana me samādhi cavi.

‘Heaviness arose in me, and because of heaviness my concentration fell away.

Samādhimhi cute obhāso antaradhāyati dassanañca rūpānaṁ.

When concentration fell away, the light vanished, and the vision of forms.

Sohaṁ tathā karissāmi yathā me puna na vicikicchā uppajjissati, na amanasikāro, na thinamiddhaṁ, na chambhitattaṁ, na uppilaṁ, na duṭṭhullan’ti.

I will act so that doubt, loss of focus, dullness and drowsiness, terror, elation, and heaviness do not arise in me again.’

So kho ahaṁ, anuruddhā …pe…

Living diligent, keen, and resolute …

tassa mayhaṁ, anuruddhā, etadahosi

I considered:

‘accāraddhavīriyaṁ kho me udapādi, accāraddhavīriyādhikaraṇañca pana me samādhi cavi.

‘Over-exertion arose in me, and because of over-exertion my concentration fell away.

Samādhimhi cute obhāso antaradhāyati dassanañca rūpānaṁ.

When concentration fell away, the light vanished, and the vision of forms.

Seyyathāpi, anuruddhā, puriso ubhohi hatthehi vaṭṭakaṁ gāḷhaṁ gaṇheyya, so tattheva patameyya;

Suppose a man gripped a quail tightly with both hands; it would die right there.

evameva kho me, anuruddhā, accāraddhavīriyaṁ udapādi, accāraddhavīriyādhikaraṇañca pana me samādhi cavi.

In the same way, over-exertion arose in me, and because of over-exertion my concentration fell away.

Samādhimhi cute obhāso antaradhāyati dassanañca rūpānaṁ.

When concentration fell away, the light vanished, and the vision of forms.

Sohaṁ tathā karissāmi yathā me puna na vicikicchā uppajjissati, na amanasikāro, na thinamiddhaṁ, na chambhitattaṁ, na uppilaṁ, na duṭṭhullaṁ, na accāraddhavīriyan’ti.

I will act so that doubt, loss of focus, dullness and drowsiness, terror, elation, heaviness, and over-exertion do not arise in me again.’

So kho ahaṁ, anuruddhā …pe…

Living diligent, keen, and resolute …

tassa mayhaṁ, anuruddhā, etadahosi

I considered:

‘atilīnavīriyaṁ kho me udapādi, atilīnavīriyādhikaraṇañca pana me samādhi cavi.

‘Lax energy arose in me, and because of lax energy my concentration fell away.

Samādhimhi cute obhāso antaradhāyati dassanañca rūpānaṁ.

When concentration fell away, the light vanished, and the vision of forms.

Seyyathāpi, anuruddhā, puriso vaṭṭakaṁ sithilaṁ gaṇheyya, so tassa hatthato uppateyya;

Suppose a man gripped a quail loosely; it would fly out of his hands.

evameva kho me, anuruddhā, atilīnavīriyaṁ udapādi, atilīnavīriyādhikaraṇañca pana me samādhi cavi.

In the same way, lax energy arose in me, and because of lax energy my concentration fell away.

Samādhimhi cute obhāso antaradhāyati dassanañca rūpānaṁ.

When concentration fell away, the light vanished, and the vision of forms.

Sohaṁ tathā karissāmi yathā me puna na vicikicchā uppajjissati, na amanasikāro, na thinamiddhaṁ, na chambhitattaṁ, na uppilaṁ, na duṭṭhullaṁ, na accāraddhavīriyaṁ, na atilīnavīriyan’ti.

I will act so that doubt, loss of focus, dullness and drowsiness, terror, elation, heaviness, over-exertion, and lax energy do not arise in me again.’

So kho ahaṁ, anuruddhā …pe…

Living diligent, keen, and resolute …

tassa mayhaṁ, anuruddhā, etadahosi

I considered:

‘abhijappā kho me udapādi, abhijappādhikaraṇañca pana me samādhi cavi.

‘Longing arose in me, and because of longing my concentration fell away.

Samādhimhi cute obhāso antaradhāyati dassanañca rūpānaṁ.

When concentration fell away, the light vanished, and the vision of forms.

Sohaṁ tathā karissāmi yathā me puna na vicikicchā uppajjissati, na amanasikāro, na thinamiddhaṁ, na chambhitattaṁ, na uppilaṁ, na duṭṭhullaṁ, na accāraddhavīriyaṁ, na atilīnavīriyaṁ, na abhijappā’ti.

I will act so that doubt, loss of focus, dullness and drowsiness, terror, elation, heaviness, over-exertion, lax energy, and longing do not arise in me again.’

So kho ahaṁ, anuruddhā …pe…

Living diligent, keen, and resolute …

tassa mayhaṁ, anuruddhā, etadahosi

I considered:

‘nānattasaññā kho me udapādi, nānattasaññādhikaraṇañca pana me samādhi cavi.

‘Perception of diversity arose in me, and because of perception of diversity my concentration fell away.

Samādhimhi cute obhāso antaradhāyati dassanañca rūpānaṁ.

When concentration fell away, the light vanished, and the vision of forms.

Sohaṁ tathā karissāmi yathā me puna na vicikicchā uppajjissati, na amanasikāro, na thinamiddhaṁ, na chambhitattaṁ, na uppilaṁ, na duṭṭhullaṁ, na accāraddhavīriyaṁ, na atilīnavīriyaṁ, na abhijappā, na nānattasaññā’ti.

I will act so that doubt, loss of focus, dullness and drowsiness, terror, elation, heaviness, over-exertion, lax energy, longing, and perception of diversity do not arise in me again.’

So kho ahaṁ, anuruddhā, appamatto ātāpī pahitatto viharanto obhāsañceva sañjānāmi dassanañca rūpānaṁ.

Living diligent, keen, and resolute, I perceived light and saw forms.

So kho pana me obhāso nacirasseva antaradhāyati dassanañca rūpānaṁ.

But soon my light vanished, and the vision of forms.

Tassa mayhaṁ anuruddhā etadahosi

I considered:

‘ko nu kho hetu ko paccayo yena me obhāso antaradhāyati dassanañca rūpānan’ti.

‘What is the cause, what is the condition why my light vanished, and the vision of forms?’

Tassa mayhaṁ, anuruddhā, etadahosi

I considered:

‘atinijjhāyitattaṁ kho me rūpānaṁ udapādi, atinijjhāyitattādhikaraṇañca pana me rūpānaṁ samādhi cavi.

‘Excessive contemplation of forms arose in me, and because of excessive contemplation of forms my concentration fell away.

Samādhimhi cute obhāso antaradhāyati dassanañca rūpānaṁ.

When concentration fell away, the light vanished, and the vision of forms.

Sohaṁ tathā karissāmi yathā me puna na vicikicchā uppajjissati, na amanasikāro, na thinamiddhaṁ, na chambhitattaṁ, na uppilaṁ, na duṭṭhullaṁ, na accāraddhavīriyaṁ, na atilīnavīriyaṁ, na abhijappā, na nānattasaññā, na atinijjhāyitattaṁ rūpānan’ti.

I will act so that doubt, loss of focus, dullness and drowsiness, terror, elation, heaviness, over-exertion, lax energy, longing, perception of diversity, and excessive contemplation of forms do not arise in me again.’

So kho ahaṁ, anuruddhā, ‘vicikicchā cittassa upakkileso’ti—iti viditvā vicikicchaṁ cittassa upakkilesaṁ pajahiṁ,

Understanding that doubt is a corruption of the mind, I abandoned doubt as a corruption of the mind.

‘amanasikāro cittassa upakkileso’ti—iti viditvā amanasikāraṁ cittassa upakkilesaṁ pajahiṁ,

Understanding that loss of focus is a corruption of the mind, I abandoned loss of focus as a corruption of the mind.

‘thinamiddhaṁ cittassa upakkileso’ti—iti viditvā thinamiddhaṁ cittassa upakkilesaṁ pajahiṁ,

Understanding that dullness and drowsiness is a corruption of the mind, I abandoned dullness and drowsiness as a corruption of the mind.

‘chambhitattaṁ cittassa upakkileso’ti—iti viditvā chambhitattaṁ cittassa upakkilesaṁ pajahiṁ,

Understanding that terror is a corruption of the mind, I abandoned terror as a corruption of the mind.

‘uppilaṁ cittassa upakkileso’ti—iti viditvā uppilaṁ cittassa upakkilesaṁ pajahiṁ,

Understanding that elation is a corruption of the mind, I abandoned elation as a corruption of the mind.

‘duṭṭhullaṁ cittassa upakkileso’ti—iti viditvā duṭṭhullaṁ cittassa upakkilesaṁ pajahiṁ,

Understanding that heaviness is a corruption of the mind, I abandoned heaviness as a corruption of the mind.

‘accāraddhavīriyaṁ cittassa upakkileso’ti—iti viditvā accāraddhavīriyaṁ cittassa upakkilesaṁ pajahiṁ,

Understanding that over-exertion is a corruption of the mind, I abandoned over-exertion as a corruption of the mind.

‘atilīnavīriyaṁ cittassa upakkileso’ti—iti viditvā atilīnavīriyaṁ cittassa upakkilesaṁ pajahiṁ,

Understanding that lax energy is a corruption of the mind, I abandoned lax energy as a corruption of the mind.

‘abhijappā cittassa upakkileso’ti—iti viditvā abhijappaṁ cittassa upakkilesaṁ pajahiṁ,

Understanding that longing is a corruption of the mind, I abandoned longing as a corruption of the mind.

‘nānattasaññā cittassa upakkileso’ti—iti viditvā nānattasaññaṁ cittassa upakkilesaṁ pajahiṁ,

Understanding that perception of diversity is a corruption of the mind, I abandoned perception of diversity as a corruption of the mind.

‘atinijjhāyitattaṁ rūpānaṁ cittassa upakkileso’ti—iti viditvā atinijjhāyitattaṁ rūpānaṁ cittassa upakkilesaṁ pajahiṁ.

Understanding that excessive contemplation of forms is a corruption of the mind, I abandoned excessive contemplation of forms as a corruption of the mind.

So kho ahaṁ, anuruddhā, appamatto ātāpī pahitatto viharanto obhāsañhi kho sañjānāmi, na ca rūpāni passāmi;

Living diligent, keen, and resolute, I perceived light, but I did not see forms.

rūpāni hi kho passāmi, na ca obhāsaṁ sañjānāmi

And I saw forms, but I did not perceive light

‘kevalampi rattiṁ, kevalampi divaṁ, kevalampi rattindivaṁ’.

for a whole night, or a whole day, or a whole day and night.

Tassa mayhaṁ, anuruddhā, etadahosi

I considered:

‘ko nu kho hetu ko paccayo yvāhaṁ obhāsañhi kho sañjānāmi na ca rūpāni passāmi;

‘What is the cause, what is the condition why I perceive light but do not see forms,

rūpāni hi kho passāmi na ca obhāsaṁ sañjānāmi—

and I see forms but do not perceive light

kevalampi rattiṁ, kevalampi divaṁ, kevalampi rattindivan’ti.

for a whole night, or a whole day, or a whole day and night?’

Tassa mayhaṁ, anuruddhā, etadahosi

I considered:

‘yasmiñhi kho ahaṁ samaye rūpanimittaṁ amanasikaritvā obhāsanimittaṁ manasi karomi, obhāsañhi kho tasmiṁ samaye sañjānāmi, na ca rūpāni passāmi.

‘At a time when I lose focus on the sign of form and attend to the sign of light, I perceive light but do not see forms.

Yasmiṁ panāhaṁ samaye obhāsanimittaṁ amanasikaritvā rūpanimittaṁ manasi karomi, rūpāni hi kho tasmiṁ samaye passāmi na ca obhāsaṁ sañjānāmi—

At a time when I lose focus on the sign of light and attend to the sign of form, I see forms but do not perceive light:

kevalampi rattiṁ, kevalampi divaṁ, kevalampi rattindivan’ti.

for a whole night, or a whole day, or a whole day and night.’

So kho ahaṁ, anuruddhā, appamatto ātāpī pahitatto viharanto parittañceva obhāsaṁ sañjānāmi, parittāni ca rūpāni passāmi;

Living diligent, keen, and resolute, I perceived limited light and saw limited forms.

appamāṇañceva obhāsaṁ sañjānāmi, appamāṇāni ca rūpāni passāmi

And I perceived limitless light and saw limitless forms

‘kevalampi rattiṁ, kevalampi divaṁ, kevalampi rattindivaṁ’.

for a whole night, or a whole day, or a whole day and night.

Tassa mayhaṁ, anuruddhā, etadahosi

I considered:

‘ko nu kho hetu ko paccayo yvāhaṁ parittañceva obhāsaṁ sañjānāmi, parittāni ca rūpāni passāmi;

‘What is the cause, what is the condition why I perceive limited light and see limited forms,

appamāṇañceva obhāsaṁ sañjānāmi, appamāṇāni ca rūpāni passāmi—

and I perceive limitless light and see limitless forms:

kevalampi rattiṁ, kevalampi divaṁ, kevalampi rattindivan’ti.

for a whole night, or a whole day, or a whole day and night?’

Tassa mayhaṁ, anuruddhā, etadahosi

I considered:

‘yasmiṁ kho me samaye paritto samādhi hoti, parittaṁ me tasmiṁ samaye cakkhu hoti.

‘When my concentration is limited, my vision is limited.

Sohaṁ parittena cakkhunā parittañceva obhāsaṁ sañjānāmi, parittāni ca rūpāni passāmi.

With limited vision I perceive limited light and see limited forms.

Yasmiṁ pana me samaye appamāṇo samādhi hoti, appamāṇaṁ me tasmiṁ samaye cakkhu hoti.

But when my concentration is limitless, my vision is limitless.

Sohaṁ appamāṇena cakkhunā appamāṇañceva obhāsaṁ sañjānāmi, appamāṇāni ca rūpāni passāmi—

With limitless vision I perceive limitless light and see limitless forms:

kevalampi rattiṁ, kevalampi divaṁ, kevalampi rattindivan’ti.

for a whole night, or a whole day, or a whole day and night.’

Yato kho me, anuruddhā, ‘vicikicchā cittassa upakkileso’ti—iti viditvā vicikicchā cittassa upakkileso pahīno ahosi,

When I known that doubt is a corruption of the mind, and abandoned it,

‘amanasikāro cittassa upakkileso’ti—iti viditvā amanasikāro cittassa upakkileso pahīno ahosi,

when I known that loss of focus is a corruption of the mind, and abandoned it,

‘thinamiddhaṁ cittassa upakkileso’ti—iti viditvā thinamiddhaṁ cittassa upakkileso pahīno ahosi,

when I known that dullness and drowsiness is a corruption of the mind, and abandoned it,

‘chambhitattaṁ cittassa upakkileso’ti—iti viditvā chambhitattaṁ cittassa upakkileso pahīno ahosi,

when I known that terror is a corruption of the mind, and abandoned it,

‘uppilaṁ cittassa upakkileso’ti—iti viditvā uppilaṁ cittassa upakkileso pahīno ahosi,

when I known that elation is a corruption of the mind, and abandoned it,

‘duṭṭhullaṁ cittassa upakkileso’ti—iti viditvā duṭṭhullaṁ cittassa upakkileso pahīno ahosi,

when I known that heaviness is a corruption of the mind, and abandoned it,

‘accāraddhavīriyaṁ cittassa upakkileso’ti—iti viditvā accāraddhavīriyaṁ cittassa upakkileso pahīno ahosi,

when I known that over-exertion is a corruption of the mind, and abandoned it,

‘atilīnavīriyaṁ cittassa upakkileso’ti—iti viditvā atilīnavīriyaṁ cittassa upakkileso pahīno ahosi,

when I known that lax energy is a corruption of the mind, and abandoned it,

‘abhijappā cittassa upakkileso’ti—iti viditvā abhijappā cittassa upakkileso pahīno ahosi,

when I known that longing is a corruption of the mind, and abandoned it,

‘nānattasaññā cittassa upakkileso’ti—iti viditvā nānattasaññā cittassa upakkileso pahīno ahosi,

when I known that perception of diversity is a corruption of the mind, and abandoned it,

‘atinijjhāyitattaṁ rūpānaṁ cittassa upakkileso’ti—iti viditvā atinijjhāyitattaṁ rūpānaṁ cittassa upakkileso pahīno ahosi.

when I known that excessive contemplation of forms is a corruption of the mind, and abandoned it;

Tassa mayhaṁ, anuruddhā, etadahosi

I considered:

‘ye kho me cittassa upakkilesā te me pahīnā.

‘The corruptions of my mind have been abandoned.

Handa dānāhaṁ tividhena samādhiṁ bhāvemī’ti.

Now let me develop concentration in three ways.’

So kho ahaṁ, anuruddhā, savitakkampi savicāraṁ samādhiṁ bhāvesiṁ, avitakkampi vicāramattaṁ samādhiṁ bhāvesiṁ, avitakkampi avicāraṁ samādhiṁ bhāvesiṁ, sappītikampi samādhiṁ bhāvesiṁ, nippītikampi samādhiṁ bhāvesiṁ, sātasahagatampi samādhiṁ bhāvesiṁ, upekkhāsahagatampi samādhiṁ bhāvesiṁ.

Thus, Anuruddha, I developed concentration with initial application and sustained application, concentration without initial application but with only sustained application, concentration without initial application or sustained application, concentration accompanied by happiness, concentration without happiness, concentration accompanied by pleasure, and concentration accompanied by equanimity.

Yato kho me, anuruddhā, savitakkopi savicāro samādhi bhāvito ahosi, avitakkopi vicāramatto samādhi bhāvito ahosi, avitakkopi avicāro samādhi bhāvito ahosi, sappītikopi samādhi bhāvito ahosi, nippītikopi samādhi bhāvito ahosi, sātasahagatopi samādhi bhāvito ahosi, upekkhāsahagatopi samādhi bhāvito ahosi.

When, Anuruddha, concentration with initial application and sustained application was developed, concentration without initial application but with only sustained application was developed, concentration without initial application or sustained application was developed, concentration accompanied by happiness was developed, concentration without happiness was developed, concentration accompanied by pleasure was developed, concentration accompanied by equanimity was developed.

Ñāṇañca pana me dassanaṁ udapādi,

knowing and vision arose in me:

akuppā me cetovimutti. Ayamantimā jāti, natthi dāni punabbhavo”ti.

‘My liberation of mind is unshakable. This is my last birth; there is no more renewed existence.’

Idamavoca bhagavā.

This is what the Tathāgata said.

Attamano āyasmā anuruddho bhagavato bhāsitaṁ abhinandīti.

Satisfied, Venerable Anuruddha rejoiced in what the Tathāgata said.

Upakkilesasuttaṁ niṭṭhitaṁ aṭṭhamaṁ.

The Discourse on Corruptions is finished, the eighth.