Majjhima Nikāya 23

Middle Discourses 23

Vammikasutta

The Anthill

Evaṁ me sutaṁ—

So I have heard:

ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.

at one time the Tathāgata was staying near Sāvatthī in Jeta’s Grove, Anāthapiṇḍika’s monastery.

Tena kho pana samayena āyasmā kumārakassapo andhavane viharati.

Now at that time Venerable Kumārakassapa was staying in the Blind Men’s Grove.

Atha kho aññatarā devatā abhikkantāya rattiyā abhikkantavaṇṇā kevalakappaṁ andhavanaṁ obhāsetvā yenāyasmā kumārakassapo tenupasaṅkami; upasaṅkamitvā ekamantaṁ aṭṭhāsi. Ekamantaṁ ṭhitā kho sā devatā āyasmantaṁ kumārakassapaṁ etadavoca

Then, late at night, a glorious deity, lighting up the entire Blind Men’s Grove, went up to Venerable Kumārakassapa, and stood to one side. Standing to one side, the deity said to him:

“Bhikkhu bhikkhu, ayaṁ vammiko rattiṁ dhūmāyati, divā pajjalati.

Disciple, disciple, this anthill smolders by night and flares up by day.

Brāhmaṇo evamāha

The brahmin said:

‘abhikkhaṇa, sumedha, satthaṁ ādāyā’ti.

‘Take the sword, wise one, and dig.’

Abhikkhaṇanto sumedho satthaṁ ādāya addasa laṅgiṁ

Digging with the sword, the wise one saw a door-bolt.

‘laṅgī, bhadante’ti.

‘A door-bolt, sir.’

Brāhmaṇo evamāha

The brahmin said:

‘ukkhipa laṅgiṁ;

‘Throw out the door-bolt;

abhikkhaṇa, sumedha, satthaṁ ādāyā’ti.

take the sword, wise one, and dig.’

Abhikkhaṇanto sumedho satthaṁ ādāya addasa uddhumāyikaṁ.

Digging with the sword, the wise one saw a toad.

‘Uddhumāyikā, bhadante’ti.

‘A toad, sir.’

Brāhmaṇo evamāha

The brahmin said:

‘ukkhipa uddhumāyikaṁ;

‘Throw out the toad;

abhikkhaṇa, sumedha, satthaṁ ādāyā’ti.

take the sword, wise one, and dig.’

Abhikkhaṇanto sumedho satthaṁ ādāya addasa dvidhāpathaṁ.

Digging with the sword, the wise one saw a fork in the path.

‘Dvidhāpatho, bhadante’ti.

‘A fork in the path, sir.’

Brāhmaṇo evamāha

The brahmin said:

‘ukkhipa dvidhāpathaṁ;

‘Throw out the fork in the path;

abhikkhaṇa, sumedha, satthaṁ ādāyā’ti.

take the sword, wise one, and dig.’

Abhikkhaṇanto sumedho satthaṁ ādāya addasa caṅgavāraṁ.

Digging with the sword, the wise one saw a strainer.

‘Caṅgavāro, bhadante’ti.

‘A strainer, sir.’

Brāhmaṇo evamāha

The brahmin said:

‘ukkhipa caṅgavāraṁ;

‘Throw out the strainer;

abhikkhaṇa, sumedha, satthaṁ ādāyā’ti.

take the sword, wise one, and dig.’

Abhikkhaṇanto sumedho satthaṁ ādāya addasa kummaṁ.

Digging with the sword, the wise one saw a tortoise.

‘Kummo, bhadante’ti.

‘A tortoise, sir.’

Brāhmaṇo evamāha

The brahmin said:

‘ukkhipa kummaṁ;

‘Throw out the tortoise;

abhikkhaṇa, sumedha, satthaṁ ādāyā’ti.

take the sword, wise one, and dig.’

Abhikkhaṇanto sumedho satthaṁ ādāya addasa asisūnaṁ.

Digging with the sword, the wise one saw a butcher’s block.

‘Asisūnā, bhadante’ti.

‘A butcher’s block, sir.’

Brāhmaṇo evamāha

The brahmin said:

‘ukkhipa asisūnaṁ;

‘Throw out the butcher’s block;

abhikkhaṇa, sumedha, satthaṁ ādāyā’ti.

take the sword, wise one, and dig.’

Abhikkhaṇanto sumedho satthaṁ ādāya addasa maṁsapesiṁ.

Digging with the sword, the wise one saw a piece of meat.

‘Maṁsapesi, bhadante’ti.

‘A piece of meat, sir.’

Brāhmaṇo evamāha

The brahmin said:

‘ukkhipa maṁsapesiṁ;

‘Throw out the piece of meat;

abhikkhaṇa, sumedha, satthaṁ ādāyā’ti.

take the sword, wise one, and dig.’

Abhikkhaṇanto sumedho satthaṁ ādāya addasa nāgaṁ.

Digging with the sword, the wise one saw a dragon.

‘Nāgo, bhadante’ti.

‘A dragon, sir.’

Brāhmaṇo evamāha

The brahmin said:

‘tiṭṭhatu nāgo, mā nāgaṁ ghaṭṭesi; namo karohi nāgassā’ti.

‘Leave the dragon be, do not disturb the dragon; pay homage to the dragon.’

Ime kho tvaṁ, bhikkhu, pañhe bhagavantaṁ upasaṅkamitvā puccheyyāsi, yathā ca te bhagavā byākaroti tathā naṁ dhāreyyāsi.

You should go to the Tathāgata and ask him about these questions, and you should remember it as the Tathāgata answers.

Nāhaṁ taṁ, bhikkhu, passāmi sadevake loke samārake sabrahmake sassamaṇabrāhmaṇiyā pajāya sadevamanussāya, yo imesaṁ pañhānaṁ veyyākaraṇena cittaṁ ārādheyya aññatra tathāgatena vā, tathāgatasāvakena vā, ito vā pana sutvā”ti—

Disciple, in this world:with its gods, Māras, and Brahmās, this population with its ascetics and brahmins, its gods and humans:I see no one who could satisfy the mind with their answers to these questions except for the Realized One, a disciple of the Realized One, or someone who has heard it from them.

Idamavoca sā devatā.

That is what the deity said.

Idaṁ vatvā tatthevantaradhāyi.

Having spoken, they vanished right there.

Atha kho āyasmā kumārakassapo tassā rattiyā accayena yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā kumārakassapo bhagavantaṁ etadavoca

Then, when the night had passed, Venerable Kumārakassapa went to the Tathāgata, bowed, sat down to one side, and said to him:

“imaṁ, bhante, rattiṁ aññatarā devatā abhikkantāya rattiyā abhikkantavaṇṇā kevalakappaṁ andhavanaṁ obhāsetvā yenāhaṁ tenupasaṅkami; upasaṅkamitvā ekamantaṁ aṭṭhāsi. Ekamantaṁ ṭhitā kho, bhante, sā devatā maṁ etadavoca

Sir, late last night a glorious deity, lighting up the entire Blind Men’s Grove, came to me and stood to one side. Standing to one side, the deity said to me:

‘bhikkhu bhikkhu, ayaṁ vammiko rattiṁ dhūmāyati, divā pajjalati.

‘Disciple, disciple, this anthill smolders by night and flares up by day.

Brāhmaṇo evamāha

The brahmin said:

“abhikkhaṇa, sumedha, satthaṁ ādāyā”ti.

Take the sword, wise one, and dig.

Abhikkhaṇanto sumedho satthaṁ ādāya …pe…

Digging with the sword, the wise one …

ito vā pana sutvā’ti.

or someone who has heard it from them.’

Idamavoca, bhante, sā devatā.

This is what that deity said, sir.

Idaṁ vatvā tatthevantaradhāyi.

Having spoken, they vanished right there.

Ko nu kho, bhante, vammiko, kā rattiṁ dhūmāyanā, kā divā pajjalanā, ko brāhmaṇo, ko sumedho, kiṁ satthaṁ, kiṁ abhikkhaṇaṁ, kā laṅgī, kā uddhumāyikā, ko dvidhāpatho, kiṁ caṅgavāraṁ, ko kummo, kā asisūnā, kā maṁsapesi, ko nāgo”ti?

Sir, what is the anthill? What is smoldering by night? What is flaring up by day? Who is the brahmin? Who is the wise one? What is the sword? What is the digging? What is the door-bolt? What is the toad? What is the fork in the path? What is the strainer? What is the tortoise? What is the butcher’s block? What is the piece of meat? What is the dragon?

“‘Vammiko’ti kho, bhikkhu, imassetaṁ cātumahābhūtikassa kāyassa adhivacanaṁ, mātāpettikasambhavassa odanakummāsūpacayassa aniccucchādanaparimaddanabhedanaviddhaṁsanadhammassa.

Disciple, ‘anthill’ is a term for this body, made of the four primary elements, born of mother and father, built up on rice and porridge, subject to impermanence, rubbing, pressing, breaking, and destruction.

Yaṁ kho, bhikkhu, divā kammante ārabbha rattiṁ anuvitakketi anuvicāreti—

The actions you undertake during the day that you reflect and ponder upon at night:

ayaṁ rattiṁ dhūmāyanā.

this is smoldering by night.

Yaṁ kho, bhikkhu, rattiṁ anuvitakketvā anuvicāretvā divā kammante payojeti kāyena vācāya manasā—

The actions you reflect and ponder upon at night that you engage in during the day through body, speech, and mind:

ayaṁ divā pajjalanā.

this is flaring up by day.

‘Brāhmaṇo’ti kho, bhikkhu, tathāgatassetaṁ adhivacanaṁ arahato sammāsambuddhassa.

‘The brahmin’ is a term for the Realized One, the perfected one, the fully awakened Tathāgata.

‘Sumedho’ti kho, bhikkhu, sekkhassetaṁ bhikkhuno adhivacanaṁ.

‘The wise one’ is a term for a disciple who is a trainee.

‘Satthan’ti kho, bhikkhu, ariyāyetaṁ paññāya adhivacanaṁ.

‘The sword’ is a term for noble wisdom.

‘Abhikkhaṇan’ti kho, bhikkhu, vīriyārambhassetaṁ adhivacanaṁ.

‘The digging’ is a term for the arousal of energy.

‘Laṅgī’ti kho, bhikkhu, avijjāyetaṁ adhivacanaṁ.

‘The door-bolt’ is a term for ignorance.

Ukkhipa laṅgiṁ, pajaha avijjaṁ;

‘Throw out the door-bolt, give up ignorance;

abhikkhaṇa, sumedha, satthaṁ ādāyāti ayametassa attho.

take the sword, wise one, and dig.’ This is what it means.

‘Uddhumāyikā’ti kho, bhikkhu, kodhūpāyāsassetaṁ adhivacanaṁ.

‘The toad’ is a term for anger and distress.

Ukkhipa uddhumāyikaṁ, pajaha kodhūpāyāsaṁ;

‘Throw out the toad, give up anger and distress;

abhikkhaṇa, sumedha, satthaṁ ādāyāti ayametassa attho.

take the sword, wise one, and dig.’ This is what it means.

‘Dvidhāpatho’ti kho, bhikkhu, vicikicchāyetaṁ adhivacanaṁ.

‘The fork in the path’ is a term for doubt.

Ukkhipa dvidhāpathaṁ, pajaha vicikicchaṁ;

‘Throw out the fork in the path, give up doubt;

abhikkhaṇa, sumedha, satthaṁ ādāyāti ayametassa attho.

take the sword, wise one, and dig.’ This is what it means.

‘Caṅgavāran’ti kho, bhikkhu, pañcannetaṁ nīvaraṇānaṁ adhivacanaṁ, seyyathidaṁ—

‘The strainer’ is a term for the five hindrances, namely:

kāmacchandanīvaraṇassa, byāpādanīvaraṇassa, thinamiddhanīvaraṇassa, uddhaccakukkuccanīvaraṇassa, vicikicchānīvaraṇassa.

the hindrances of sense satisfaction, ill will, dullness and drowsiness, restlessness and remorse, and doubt.

Ukkhipa caṅgavāraṁ, pajaha pañca nīvaraṇe;

‘Throw out the strainer, give up the five hindrances;

abhikkhaṇa, sumedha, satthaṁ ādāyāti ayametassa attho.

take the sword, wise one, and dig.’ This is what it means.

‘Kummo’ti kho, bhikkhu, pañcannetaṁ upādānakkhandhānaṁ adhivacanaṁ, seyyathidaṁ—

‘The tortoise’ is a term for the five aggregates subject to clinging, namely:

rūpupādānakkhandhassa, vedanupādānakkhandhassa, saññupādānakkhandhassa, saṅkhārupādānakkhandhassa, viññāṇupādānakkhandhassa.

the grasping aggregates of form, feeling, perception, volitional processes, and consciousness.

Ukkhipa kummaṁ, pajaha pañcupādānakkhandhe;

‘Throw out the tortoise, give up the five grasping aggregates;

abhikkhaṇa, sumedha, satthaṁ ādāyāti ayametassa attho.

take the sword, wise one, and dig.’ This is what it means.

‘Asisūnā’ti kho, bhikkhu, pañcannetaṁ kāmaguṇānaṁ adhivacanaṁ—

‘The butcher’s block’ is a term for the five kinds of sensual stimulation:

cakkhuviññeyyānaṁ rūpānaṁ iṭṭhānaṁ kantānaṁ manāpānaṁ piyarūpānaṁ kāmūpasaṁhitānaṁ rajanīyānaṁ,

forms known by the eye that are agreeable, pleasant, desirable, endearing, linked with sense satisfaction, and provoking greed;

sotaviññeyyānaṁ saddānaṁ …pe…

sounds known by the ear …

ghānaviññeyyānaṁ gandhānaṁ …pe…

smells known by the nose …

jivhāviññeyyānaṁ rasānaṁ …pe…

tastes known by the tongue …

kāyaviññeyyānaṁ phoṭṭhabbānaṁ iṭṭhānaṁ kantānaṁ manāpānaṁ piyarūpānaṁ kāmūpasaṁhitānaṁ rajanīyānaṁ.

touches known by the body that are agreeable, pleasant, desirable, endearing, linked with sense satisfaction, and provoking greed.

Ukkhipa asisūnaṁ, pajaha pañca kāmaguṇe;

‘Throw out the butcher’s block, give up the five kinds of sensual stimulation;

abhikkhaṇa, sumedha, satthaṁ ādāyāti ayametassa attho.

take the sword, wise one, and dig.’ This is what it means.

‘Maṁsapesī’ti kho, bhikkhu, nandīrāgassetaṁ adhivacanaṁ.

‘The piece of meat’ is a term for relishing and greed.

Ukkhipa maṁsapesiṁ, pajaha nandīrāgaṁ;

‘Throw out the piece of meat, give up relishing and greed;

abhikkhaṇa, sumedha, satthaṁ ādāyāti ayametassa attho.

take the sword, wise one, and dig.’ This is what it means.

‘Nāgo’ti kho, bhikkhu, khīṇāsavassetaṁ bhikkhuno adhivacanaṁ.

‘The dragon’ is a term for a disciple whose defilements are destroyed.

Tiṭṭhatu nāgo, mā nāgaṁ ghaṭṭesi; namo karohi nāgassāti ayametassa attho”ti.

‘Leave the dragon be, do not disturb the dragon; pay homage to the dragon.’ This is what it means.

Idamavoca bhagavā.

That is what the Tathāgata said.

Attamano āyasmā kumārakassapo bhagavato bhāsitaṁ abhinandīti.

Satisfied, Venerable Kumārakassapa delighted in the Tathāgata’s words.

Vammikasuttaṁ niṭṭhitaṁ tatiyaṁ.

The Anthill is finished, the third.