Saṁyutta Nikāya 47.8 1.
Sūdasutta
Ambapālivagga Sūdasutta “Seyyathāpi, bhikkhave, bālo abyatto akusalo sūdo rājānaṁ vā rājamahāmattaṁ vā nānaccayehi sūpehi paccupaṭṭhito assa— ambilaggehipi, tittakaggehipi, kaṭukaggehipi, madhuraggehipi, khārikehipi, akhārikehipi, loṇikehipi, aloṇikehipi.
Just as a foolish, incompetent, and unskilled cook might present a king or a royal minister with soups of various kinds: sour, bitter, pungent, sweet, solid, non-solid, salty, and unsalty.
Sa kho so, bhikkhave, bālo abyatto akusalo sūdo sakassa bhattu nimittaṁ na uggaṇhāti: ‘idaṁ vā me ajja bhattu sūpeyyaṁ ruccati, imassa vā abhiharati, imassa vā bahuṁ gaṇhāti, imassa vā vaṇṇaṁ bhāsati.
That foolish, incompetent, and unskilled cook does not pick up on his master's preference: Today my master prefers this kind of soup, he favors this, he takes a lot of this, he praises the flavor of this.
Ambilaggaṁ vā me ajja bhattu sūpeyyaṁ ruccati, ambilaggassa vā abhiharati, ambilaggassa vā bahuṁ gaṇhāti, ambilaggassa vā vaṇṇaṁ bhāsati.
Today my master prefers sour soup, he favors sour, he takes a lot of sour, he praises the flavor of sour.
Tittakaggaṁ vā me ajja …
Or bitter...
kaṭukaggaṁ vā me ajja …
pungent...
madhuraggaṁ vā me ajja …
sweet...
khārikaṁ vā me ajja …
solid...
akhārikaṁ vā me ajja …
non-solid...
loṇikaṁ vā me ajja …
salty...
aloṇikaṁ vā me ajja bhattu sūpeyyaṁ ruccati, aloṇikassa vā abhiharati, aloṇikassa vā bahuṁ gaṇhāti, aloṇikassa vā vaṇṇaṁ bhāsatī’ti.
unsalty soup my master prefers today, he favors unsalty, he takes a lot of unsalty, he praises the flavor of unsalty.
Sa kho so, bhikkhave, bālo abyatto akusalo sūdo na ceva lābhī hoti acchādanassa, na lābhī vetanassa, na lābhī abhihārānaṁ.
That foolish, incompetent, and unskilled cook neither gains clothes, nor wages, nor gifts.
Taṁ kissa hetu?
Why is that?
Tathā hi so, bhikkhave, bālo abyatto akusalo sūdo sakassa bhattu nimittaṁ na uggaṇhāti.
Because that foolish, incompetent, and unskilled cook does not pick up on his master's preference.
Evameva kho, bhikkhave, idhekacco bālo abyatto akusalo bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṁ.
Similarly a certain foolish, incompetent, and unskilled disciple dwells contemplating the body in the body, ardent, fully aware, mindful, having put away craving and aversion for the world.
Tassa kāye kāyānupassino viharato cittaṁ na samādhiyati, upakkilesā na pahīyanti.
While he dwells contemplating the body in the body, his mind does not become concentrated, his defilements are not abandoned.
So taṁ nimittaṁ na uggaṇhāti.
He does not pick up on that sign.
Vedanāsu vedanānupassī viharati …pe…
Contemplating feelings in feelings...
citte cittānupassī viharati …pe…
mind in mind...
dhammesu dhammānupassī viharati ātāpī sampajāno satimā, vineyya loke abhijjhādomanassaṁ.
phenomena in phenomena, ardent, fully aware, mindful, having put away craving and aversion for the world.
Tassa dhammesu dhammānupassino viharato cittaṁ na samādhiyati, upakkilesā na pahīyanti.
While he dwells contemplating phenomena in phenomena, his mind does not become concentrated, his defilements are not abandoned.
So taṁ nimittaṁ na uggaṇhāti.
He does not pick up on that sign.
Sa kho so, bhikkhave, bālo abyatto akusalo bhikkhu na ceva lābhī hoti diṭṭheva dhamme sukhavihārānaṁ, na lābhī satisampajaññassa.
That foolish, incompetent, and unskilled disciple neither gains happiness in the present life nor does he gain mindfulness and full awareness.
Taṁ kissa hetu?
Why is that?
Tathā hi so, bhikkhave, bālo abyatto akusalo bhikkhu sakassa cittassa nimittaṁ na uggaṇhāti.
Because that foolish, incompetent, and unskilled disciple does not pick up on the sign of his own mind.
Seyyathāpi, bhikkhave, paṇḍito byatto kusalo sūdo rājānaṁ vā rājamahāmattaṁ vā nānaccayehi sūpehi paccupaṭṭhito assa— ambilaggehipi, tittakaggehipi, kaṭukaggehipi, madhuraggehipi, khārikehipi, akhārikehipi, loṇikehipi, aloṇikehipi.
Just as a wise, competent, and skilled cook might present a king or a royal minister with soups of various kinds: sour, bitter, pungent, sweet, solid, non-solid, salty, and unsalty.
Sa kho so, bhikkhave, paṇḍito byatto kusalo sūdo sakassa bhattu nimittaṁ uggaṇhāti: ‘idaṁ vā me ajja bhattu sūpeyyaṁ ruccati, imassa vā abhiharati, imassa vā bahuṁ gaṇhāti, imassa vā vaṇṇaṁ bhāsati.
That wise, competent, and skilled cook picks up on his master's preference: Today my master prefers this kind of soup, he favors this, he takes a lot of this, he praises the flavor of this.
Ambilaggaṁ vā me ajja bhattu sūpeyyaṁ ruccati, ambilaggassa vā abhiharati, ambilaggassa vā bahuṁ gaṇhāti, ambilaggassa vā vaṇṇaṁ bhāsati.
Today my master prefers sour soup, he favors sour, he takes a lot of sour, he praises the flavor of sour.
Tittakaggaṁ vā me ajja …
Or bitter...
kaṭukaggaṁ vā me ajja …
pungent...
madhuraggaṁ vā me ajja …
sweet...
khārikaṁ vā me ajja …
solid...
akhārikaṁ vā me ajja …
non-solid...
loṇikaṁ vā me ajja …
salty...
aloṇikaṁ vā me ajja bhattu sūpeyyaṁ ruccati, aloṇikassa vā abhiharati, aloṇikassa vā bahuṁ gaṇhāti, aloṇikassa vā vaṇṇaṁ bhāsatī’ti.
unsalty soup my master prefers today, he favors unsalty, he takes a lot of unsalty, he praises the flavor of unsalty.
Sa kho so, bhikkhave, paṇḍito byatto kusalo sūdo lābhī ceva hoti acchādanassa, lābhī vetanassa, lābhī abhihārānaṁ.
That wise, competent, and skilled cook gains clothes, wages, and gifts.
Taṁ kissa hetu?
Why is that?
Tathā hi so, bhikkhave, paṇḍito byatto kusalo sūdo sakassa bhattu nimittaṁ uggaṇhāti.
Because that wise, competent, and skilled cook picks up on his master's preference.
Evameva kho, bhikkhave, idhekacco paṇḍito byatto kusalo bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṁ.
Similarly a certain wise, competent, and skilled disciple dwells contemplating the body in the body, ardent, fully aware, mindful, having put away craving and aversion for the world.
Tassa kāye kāyānupassino viharato cittaṁ samādhiyati, upakkilesā pahīyanti.
While he dwells contemplating the body in the body, his mind becomes concentrated, his defilements are abandoned.
So taṁ nimittaṁ uggaṇhāti.
He picks up on that sign.
Vedanāsu vedanānupassī viharati …pe…
Contemplating feelings in feelings...
citte cittānupassī viharati …pe…
mind in mind...
dhammesu dhammānupassī viharati ātāpī sampajāno satimā, vineyya loke abhijjhādomanassaṁ.
phenomena in phenomena, ardent, fully aware, mindful, having put away craving and aversion for the world.
Tassa dhammesu dhammānupassino viharato cittaṁ samādhiyati, upakkilesā pahīyanti.
While he dwells contemplating phenomena in phenomena, his mind becomes concentrated, his defilements are abandoned.
So taṁ nimittaṁ uggaṇhāti.
He picks up on that sign.
Sa kho so, bhikkhave, paṇḍito byatto kusalo bhikkhu lābhī ceva hoti diṭṭheva dhamme sukhavihārānaṁ, lābhī hoti satisampajaññassa.
That wise, competent, and skilled disciple gains happiness in the present life and gains mindfulness and full awareness.
Taṁ kissa hetu?
Why is that?
Tathā hi so, bhikkhave, paṇḍito byatto kusalo bhikkhu sakassa cittassa nimittaṁ uggaṇhātī”ti. Aṭṭhamaṁ.
Because that wise, competent, and skilled disciple picks up on the sign of his own mind.